من كم أيام كنت قاعد مع أحد المتدربين عندي، وكان مستغرب من شغلة.
قالي:
“ليش دايمًا بتقلي ارجع للـ Documentation؟ ليش ما أتعلم من فيديو جاهز وخلاص؟ أسهل وأسرع!”
ابتسمت وقلتله:
خليني أحكيلك شغلة مهمة…
الفيديوهات زي الأكل الجاهز 🍔 حدا طبخلك كل إشي، رتبلك الأفكار، واختارلك شو يحكي وشو يترك.
إنت بس عم تستهلك.
أما الـ Documentation؟
هاي المطبخ نفسه. فيها كل المكونات، كل التفاصيل، وكل الحالات اللي ممكن تمر عليك.
إذا ضليت تعتمد على الجاهز، رح تضل دايمًا مستني حدا يشرحلك. لكن لما تتعلم تقرأ الـ Docs، بتصير مستقل. بتصير تعرف تدور، تفهم، وتحل مشكلتك لحالك.
وقلتله كمان 3 أسباب مهمة ليش لازم تتصالح مع الـ Documentation:
1️⃣ هي مصدر الحقيقة (Source of Truth)
أي Framework أو Library… المرجع الرسمي إلها هو الـ Docs. الفيديو ممكن يكون قديم، ناقص، أو مبني على Version مختلفة. لكن الـ Documentation دايمًا محدثة ودقيقة.
2️⃣ بتخليك تفهم مش تحفظ
الفيديو بيعطيك خطوات تمشي عليها. الـ Docs بتشرحلك الفكرة، الفلسفة، وليش الشغلة معمولة بهالشكل. وهون الفرق بين مبرمج حافظ… ومبرمج فاهم.
3️⃣ بتبني فيك مهارة البحث
أكبر مهارة عند أي مبرمج ناجح مش إنه يعرف كل إشي… لكن إنه يعرف كيف يلاقي المعلومة بسرعة. واللي بتعود على قراءة الـ Docs، بيصير يحل مشكلته بنص الوقت.
وفي الآخر قلتله:
أناهدفي إنك توصل لمرحلة تفتح أي تكنولوجيا جديدة… وتفهمها لحالك خلال أيام.
اليوتيوب حلو بالبداية، لكن اللي بصنع المبرمج المستقل فعلًا… هو الـ Documentation من المصدر.
